კავშირი "თანამშრომლობა თანაბარი უფლებებისათვის"
 ENG 
 

არასამთავრობო ორგანიზაცია (არასამეწარმეო იურიდიული პირი) კავშირი «ალტერ ეგო» დაფუძნდა 2003 წელს

კავშირი „ალტერ ეგო“ მოღვაწეობს ფსიქიკური ჯანმრთელობის სფეროში.

მისი მიზანია ფსიქიკური ავადმყოფების ფსიქოსოციალური რეაბილიტაცია და საზოგადოებაში ინტეგრაციის ხელშეწყობა, ფსიქიკური დაავადებების პრევენციისა და სტიგმის დაძლევისადმი მიმართული ღონისძიებების ჩატარება.

განხორციელებული პროექტები:

  1. ზოგადი პროფილის ექიმების ტრენინგები ფსიქიატრიაში თელავის რაიონში.
    2003–2004 წწ. (განხორციელდა GIP-ის დაფინანსებითა და ხელშეწყობით).
    ჩატარდა ტრენინგები და მუშა შეხვედრები თელავის რაიონის ექიმ თერაპევტებთან, მედდებთან, სკოლის მასწავლებლებსა და ფსიქოლოგებთან და მოსახლეობასთან. შემუშავდა და დარიგდა ბროშურები მოსახლეობისათვის და ტრენინგ–მასალები მოზრდილთა ფსიქიატრიაში მედპერსონალისთვის.
  2. ზოგადი პროფილის ექიმების ტრენინგები კახეთის რეგიონში.
    2004-2006 წწ. (განხორციელდა GIP-ის დაფინანსებითა და ხელშეწყობით).
    ჩატარდა ტრენინგები და მუშა შეხვედრები კახეთის რეგიონის ყველა რაიონის ექიმ თერაპევტებთან,პედიატრებთან, მედდებთან, სკოლის მასწავლებლებსა და ფსიქოლოგებთან და მოსახლეობასთან. დარიგდა ბროშურები მოსახლეობისათვის და ტრენინგ–მასალები მოზრდილთა და ბავშვთა ფსიქიატრიაში მედპერსონალისთვის.
  3. ფსიქიკური დაავადებების მქონე შშმ პირების ფსიქოსოციალური რეაბილიტაციის ცენტრი.
    2006 წლიდან დღემდე. (ხორციელდება შშმ პირთა დღის ცენტრის მომსახურების სახელმწიფო პროგრამის ფარგლებში)
    ემსახურება 31 ბენეფიციარს. მომსახურებაში შედის ორჯერადი კვება, მგზავრობის ხარჯებით უზრუნველყოფა, ერგოთერაპია, SILS და IPT პროგრამები, კომპიუტერის შესწავლა, კულტურული და სპორტული ღონისძიებები, მუშაობს წრეები ინტერესების მიხედვით, ეწყობა საქველმოქმედო გამოფენა–გაყიდვები, ექსკურსიები.
  4. თვითდახმარების ჯგუფების განვითარება
    2010 წ. ა/ო კავშირი «თანამშრომლობა თანაბარი უფლებებისათვის»–ის პარტნიორობით.
    კავშირი «ალტერ ეგოს» დღის ცენტრის ბაზაზე შეიქმნა და დღემდე მუშაობს თვითდახმარების ჯგუფი; ჩატარდა საქველმოქმედო გამოფენა–გაყიდვა.
  5. ადვოკაციის ჯგუფების შექმნა–განვითარება
    2011 წ. კავშირი «თანამშრომლობა თანაბარი უფლებებისათვის»–ის პარტნიორობით.
    კავშირი «ალტერ ეგოს» დღის ცენტრის ბაზაზე შეიქმნა და მუშაობს ორი–ბენეფიციართა და ბენეფიციარების ოჯახის წევრების ჯგუფი. ჯგუფებში ტარდება რეგულარული შეხვედრები, განიხილება ფსიქიკური დაავადებების მქონე ბენეფიციართა უფლებები, მათი დარღვევის შემთხვევებში ბენეფიციართა უფლების დაცვის მექანიზმები.

 

დაგვიკავშირდით:
ასათიანის 10, თბილისი 0177
ტელ.: (+995 32) 31 18 39		 ელ. ფოსტა: union_per@per.ge